رئيس التحرير: إسلام عفيفى
دراما شو

فى حوار خاص هيدى كرم:نهى ف《سابع جار》 جرس أنذار للزوجات


  نشوى بركات
12/7/2017 4:19:44 PM


☆أنا موسوسة زي نهى"سابع جار" 
☆سابع جار قدم نماذج من الحياة الواقعية. 
☆نهى فى سابع جار جرس أنذار للستات اللى زيها.
☆بعد سابع جار لازم أدقق فى أختياراتى. 
☆مبقاش فى حاجة بتلفت نظرى فى الراجل ولا بتبهرنى. 
☆بنفسن من تمثيل غادة عبد الرازق. 
☆بغير من شياكة واهتمام هيفاء وهبى بنفسها. 
☆الحفاظ على الجمال مش مكلف. 
☆فخورة أنى أم 《وأما بنعمة ربك فحدث》 .. 
☆طاقة نور قدمنى بشكل جديد.


ملامحها جميلة وحادة ..صريحة لأبعد الحدود ومتصالحة مع نفسها تتعامل مع الفن باحتراف في الأداء لكن لا تحترف المهنة فهي دائما تعيش الفن بروح هاويه يخدعك مظهرها الارستقراطي الغربي بانها حتما ستكون من الجميلات اللاتي يمتلكن حضور متكلف لكن عندما تقترب منها ستجد انسانه عفوية للغاية بنت بلد جدا لكنها اوربية في تعاملها تمتلك روح الدعابة وضحكتها الطفولية لا تفارقها .. 
مؤخرا قررت أن تتمرد علي جمالها الذي حصرها فى دور الفتاة الجميلة ففاجئ تمردها المشاهدين صرحت "نهى" بطلة فى سابع جار "هيدى كرم" لأخبار النجوم سر تألقها مؤخرا.. 

فاجئتى الجمهور فى دور نبيلة فى طاقة نور كيف أستطعتى أن تجسدى كل هذا الشر؟ 
أى فنان مثقف واعى يقرأ مابين السطور ويعرف كيف يكون مدخله لهذة الشخصية وكيف يقبض على تفتصيلها الشكلية والجسمانية حتى فى صمته يكون مؤثر وهذا ما حدث معى فى شخصية نبيلة فهى شخصية منفره تحمل الكثير من الشر بداخلها فكنت حريصة فى كل التفاصيل حتى مكياج نبيلة كان يخدم الدور كما انها كانت لا تعبر بجسدها كتيرا فلا تحرك يديها أو رأسها أتمنى أن اكون أجدت الدور. 
مفاجأتك الثانية كانت من خلال نهى الزوجة التى تعانى فتور فى مشاعرها و تعطى كل وقتها لأبناءها؟ 
نهى من أجمل الشخصيات التى قدمتها نهى سيدة تشبه الاف الزوجات التى تعطى ابناءهاةكل الأهتمام و الرعاية فلا تجد وقت لزوجها . 
هناك هجوم على نهى حتى من السيدات هل يزعجك ذلك؟ 
أطلاقا هذا نجاح بل قمة النجاح لانى لست نهى و نهى ليست أختراع من المؤلفه بل هى موجودة وربما تكون أعلب حالات الطلاق والزواج ااثانى بسبب أهمال الزوجة لزوجها وتكريس كل الوقت للمنزل والاطفال. 
هيدى فيها أيه من نهى؟ 
الوسوسه الزيادة فى النضافة و الخوف الكبير على أولادها. 
ممكن تهملى زوجك زى ما بتعمل نهى؟ 
لأ طبعا نهى مزوداها جدا لانها عايزه كل حاجه تكون ١٠ على ١٠ وكل شئ متقن ولازم تعمله بنفسها لكن أى زوجة بتعرف تخلق وقت رومانسى مع زوجها و تعرف أزاى تظبط المعادلة بين البيت والأولاد والزوج. 
ما سر نجاح شخصية نهى؟ 
أنا صدمت ستات كتير فى حقيقتهم وشافوا أد ايه الشخصية دى مكروهه وانها السبب فى اقامة زوجها علاقة مع اخريات و انا بعتبر نهى جرس أنذار لزوجات كتير زى نهى أن حياتهم على وشك الأنهيار وهتساعدهم فى تغير حياتهم للأفضل . 
سابع جار مسلسل أجتماعى له طابع خاص لكن هناك هجوم وأعتراص على طرح أفكار لاتناسب مجتمعنا و طرح ألفاظ لايجب أن تطرح من خلال النافذة الشرعية للأسرة"التلفزيون"؟ 
مفيش عمل بيخلو من الأخطاء و ولا أدافه عن العمل هو يجسد نماذج فى الحياة بالفعل وربما ما صدم المشاهدين هى جرأة الطرح لكن أتمنى أن ينتظروا لأخر الحلقات كى يعرفوا كيف سيتم معالجة هذة النماذج. 
دور أيناس فى أختيار أجبارى أم مختلفه تماما عن نهى هى ام مهملة متحررة لا تعرف عن بنتها أى شئ؟ 
ماهو ده الأختلاف و متعة التمثيل أنك بتؤدى نفس الدور بطريقو مختلفه تماما و كمان الأم المتحرره اللى مش بتهتم بأولادها نموذج موجود ايضا بكثرة فى المجتمع. 
وانا أستمتعت جدا بالمسلسل ده مخرج مختلف ليه رؤية كان لازم نلبس ألوان معينة الأضاءة مختلفة كان حالة مختلفة. 
ما جديد هيدى وهل ستشاركى فى رمضان القادم؟ 
حتى الأن كل ما عرض على لم أرة غيه جديد أو أضافة و أنا بعد أدوارى الأخيرة بحب أقدم أعمال على نفس المستوى. 
اوشك ٢٠١٧ على الانقضاء هل كانت سنة نجاح لهيدى؟ 
طبعا من أجمل سنوات حياتى قدمت فيها أقوى أعمالى الفنية وكانت سنة خير عليه. 
هل انتهيتى تعاقدك مع نفسنة؟ 
لا لم أنهى التعاقد فالعقد سارى حتى شهر مارس القادم وبعد ذلك يجب من عقد جلسة مع القائمين على العمل لمعرفة ماهو التطوير الذى سيتم أضافته للبرنامج ان اعجبتنى الافكار و القناة طلبت تجدد معة التعاقد فربما لا يرغب هم فى التجديد وربما انا وربما نتفق الامور ستضح فى الفترة القادمة. 
السينما كان ليكى تجربة مميزة اللى اختشوا ماتوا ؟ 
بصى انا هقولك تجربتى فى الفيلم ده بالظبط انا كلمنى المخرج أسماعيل فاروق وكنت خايفه جدا من التجربة انا بخاف من نفسنة الستات وخناقات الستات والكلاشات اللى ممكن تحصل بينهم وممكن وحده تكون كارهانى من غير سبب أى سبب أو تقلق لو شافتك أحسن منها فى مشهد فا أسلم الحلفى الحالات دى انك تستغلى بروفيشنال"باحترافية" يعنى اروح أعمل شغلى وامشى انا كنت ببقى عارفه انى مش رايحه اصاحب ولا اتصاحب لكل بحترم كل زميل وزميلة معايا ، ولا اتفزلك ولا اتخطى حدودى المرسومه اكون مطيعة ليه طول ما انتى كده صدقينى هتتجنبى مشاكل كتير جدا وفعلا انااستمتعت بالعمل ده ومحصلش فيه اى مشاكل تذكر. 
أنبهرت فى التجربة بأحترافية غادة عبد الرازق وبنفسن من تمثيلها بالشكل الأيجابى أزاى هى كده مبدعة وحقيقية. 
بتفتخرى باموتك لشاب فى حين فنانات بتخبى ان عندها ابناء اطفال كى لا تظهر كبيرة فى السن؟ 
أخبى ازاى اما بنعمة ربك فا حدث أجمل حاجة فى حياتى واعظم صفة ربنا منحها ليه واللى بتعمل كدة غلطانة دى النعمة اللى بتقية كله زايل ده انا بنشرف وافضل اقول ليل نهار واحمد ربنا انى ام لشاب عمره 16 سنة ولغاية ما ابقى جدة يارب هقول عندى ابن عنده 50 سنة دى نعمة. 
دردشة..** 

بعيدا عن الفن أكيد أى ست نفسها تعرف أسرارك فى الرشاقة وجمال بشرتك وانتى دايما بتقدمى نصايح على أنستجرام؟ 
انا اصلا مش من النوع اللى بيتخن علشان كده بحافظ على انى أروح الجيم مانعة من حياتى المعجنات كلها بيتزا ،مكرونة،رز،لازم ناس تلغى حاجه اسمها "جانك فوود" بلاش ملح كتير او سكر كتير اخر وجبه تكون قبل النوم ب4 ساعات عالاقل. 
صرحى ب سر من اسرارك لجمهورك فى الحفاظ على بشرتك؟ 
والله راحة البال تصالح مع نفسى البعد عن النكد وبجد الحاجات الطبيعية وعن تجربة نتايجها محصلتش مش لازم اجيب كريم بكام الف بستخدم زيت لوز،زيت ارجان بعمل ماسكات بحاجات طبيعية بس كده بجد. 
بتغيرى من جمال مين من المشاهير؟ 
هى مش غيرة بس لازم أول ما أشوف صورة لهيفاء وهبى أركز فى شعرها لبسها مكياجها هى ست جميلة جدا و تعتبر أكتر المشاهير أهتمام بالفاشون. 

اول حاجه بتشدك فى الراجل؟ 
تصدقى مبقاش فى حاجة بتشدنى او بتبهرنى فى الراجل زى زمان لما كنت أصغر من كده مش معنى ده ان مفيش رجالة كويسة لا فى كتير بس مبقاش فى حاجة محصلتش يعنى تجذبنى من نظرة لراجل. 
وايه الحاجة اللى بتقفلك من أى راجل؟ 
مش بحب الراجل المهزوز اللى مش واثق فى نفسه وفى الانسانة اللى معاه اللى يفضل يسأل أسئلة كتير عن أى حاجة فاتت أو حاجة شخصية يعنى مبحبش راجل اللى بيسأل أسئلة متتسألش بحبه ناضج راسى وانا من نفسى هحكيله كل حاجه. 
تمنياتك للعام الجديد؟ 
أهم امنياتى القضاء على الأرهاب و ان تعبر مصر كل الصعوبات اللى بتواجهها. 
وعلى المستوى الأسرى اطلب من الله الصحة والسعادة لأسرتى الصغيرة. 
على مستوى العمل اتمنى مزيد من النجاح وان اقدم ادوار مختلفة وبتمنى أقدم دور كوميدى لانه الأقرب لشخصيتى. 
وعلى مستوى القلب هل هناك أى جديد؟ 
لاااا والله لسه مفيش القلب بيحب ابنى وامة وابويا واختى وابناءها فقط أسرتى هى الحب الوحيد فى حياتى. 









عدد المشاهدات 2234

الكلمات المتعلقة :